☰

भर्खरै

लोकप्रिय समाचार

चितवनमा कोरोना संक्रमणबाट आज एकैदिन आठ जनाको मृत्यु, ५४ संक्रमित थपिए

  •   बिहिबार, असार ०३, २०७८ मा प्रकाशित
    • अ
    • अ
    • अ

    चितवन । चितवनका अस्पतालहरुमा आज एकैदिन आठ जना संक्रमितको मृत्यु भएको छ । चितवनका पाँचसहित अन्य जिल्लाको तीन गरी आठ जनाको निधन भएको हो । स्वास्थ्य कार्यालय चितवनको अनुसार मृत्यु हुनेमा भरतपुर अस्पतालमा ४ जना, चितवन मेडिकल कलेजमा २ जना र पुरानो मेडिकल कलेजमा २ जना रहेका छन् ।

    त्यसैगरी विभिन्न अस्पतालको आईसीयू र भेन्टिलेटरमा गरेर १३१ जना कोरोना संक्रमितको उपचार भइरहेको छ । एचडीयूमा ४० जना, जेनरल बेडमा १११ जना गरी जम्मा २५१ जना अस्पतालमा उपचार गराइरहेका छन् । विगत २४ घण्टामा १९ जना बिरामी विभिन्न अस्पतालबाट डिस्चार्ज भएको स्वास्थ्य कार्यालयले जनाएको छ ।

    विगत २४ घण्टामा चितवनमा ५४ जना कोरोना संक्रमित थपिएका छन् । जसमा भरतपुर महानगरपालिकामा ३३ जना, खैरहनीमा ६ जना, माडीमा ४ जना, रत्ननगरमा ९ जना र राप्तीमा २ जना रहेका छन् । योसँगै चितवनमा संक्रिय संक्रमितको संख्या एक हजार ३०५ जना रहेका छन् । जसमध्ये घरमा आइसोलेसनमा एक हजार १४४ जना, अस्पतालको आइसोलेसनमा १२४ जना र सार्वजनिक आइसोलेसन केन्द्रहरुमा ३७ जना रहेका छन् ।

    स्वास्थ्य कार्यालयका अनुसार आजसम्म चितवनमा २५७ जनाले ज्यान गुमाएका छन् ।

    लोकप्रिय

    भर्खरै