चितवन  ।  कोरोना भाइरसका कारण जिल्लामा श्रीमान श्रीमतीको मृत्यु भएको छ । मृत्यु हुनेमा भरतपुर महानगरपालिका वडा नम्बर ३ निवासी ७१ वर्षिय श्रीमान र ४७ वर्षिया श्रीमती रहेका छन् ।

भरतपुर महानगरपालिका वडा नम्बर ३ का वडा अध्यक्ष चन्द्रमित्र पण्डितका अनुसार श्रीमतीको आज बिहान र श्रीमानको शनिवार विहान मृत्यु भएको हो । कोरोना सङ्क्रमण पुष्टि भए पछि होम आइसोलेसनमा रहेका दुबै जनालाई स्वास्थ्यमा समस्या देखिए पछि चितवन मेडीकल कलेजमा भर्ना गरिएको थियो ।

श्रीमनलाई सामान्य एलर्जी रहेको थियो भने श्रीमतीले मधुमेह, थाइराइड र उच्च रक्तचापको समस्या रहेको थियो । चितवन मेडीकल कलेजमा उपचारका क्रममा उनीहरुको मृत्यु भएको पण्डीतले जानकारी दिनुभयो ।

श्रीमती नेपाल तरुणदल चितवनको जिल्ला सदस्य समेत रहेको काङ्ग्रेस चितवनका सभापति जीतनारायण श्रेष्ठले जानकारी दिनुभयो । कोरोना भाइरसको सङ्क्रमणका कारण जिल्लामा एकै परिवारका दुई जनाको मृत्यु भएको यो दोस्रो घटना हो । श्रीमान श्रीमतीको मृत्यु भएको भने पहिलो घटना हो ।

अखिल क्रान्तिकारी चितवनद्वारा भरतपुर महानगरलाई ७२ घण्टे अल्टिमेटम, शुल्क वृद्धि खारेज गर्न माग

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’