हेटौँडा । हेटौँडा उपमहानगरपालिकाको तिनजना वडा अध्यक्ष सहित जनप्रतिनिधि र स्थानीयले यातायात पुर्वाधार निर्देशनालय हेटौडामा पुगेर ध्यानाकर्षण पत्र दिएका छन् । हेटौँडा उपमहानगरपालिका वडा नंबर २, ४ र १० का वडा अध्यक्षहरुले निर्देशनालयमा पुगेर निमित्त निर्देशक सहदेब भण्डारीलाई ध्यानाकर्षण पत्र दिएका हुन् ।

हेटौडा उपमहानगरपालिका वडा नं ४ हुप्रा क्षेत्रको करिव ४ किमि सडक कालोपत्रे गर्ने, पेटि ढल निर्माण गर्ने घर अगाडि खनि छाडेको मानविय दुर्घटना भई रहेको र हुन सक्ने, हेटौडा १० को टिसियन रोड, हेटौडा २ को मानस चोक देखी मनकामना चोक र वनस्खण्डी सड़क कालो पत्रे यातायात पुर्वाधार निर्देशनालय हेटौडा द्वारा बोलपत्र भई सप्तकोशी जलाधार ओम साई, जे भि तिनकुने काठमाण्डौले २०७८ मंसिर २ गते सम्म निर्माण कार्य सम्पन्न गर्ने सम्झौता गरे पनि हालसम्म काम सुरु नगरेको वडा नंबर ४ का वडा अध्यक्ष नविन सिग्देलले बताए ।

ठेकेदारले चरम लापरबाही गरेर सबै वडावासीलाई समस्यामा पारेको भन्दै उनले काम नगर्ने ठेकेदारलाई तत्काल कारबाहीको दायरामा ल्याउनुपर्ने बताए । उनले भने ‘ जनताको घरको मूल ढोकाबाट भित्रै पस्न नसकिने गरि खनेर वर्षदिनसम्म छाडिदिने यो कस्तो खाले काम हो ? ठेकेदारहरुले अलिकति हेक्का राख्नु पर्दैन ? ’ वडा अध्यक्षहरुले पेश गरिएको ज्ञापनपत्रमा भनिएको छ ‘ उक्त सडक क्षेत्र अन्यन्त जिर्ण भई मानिस आवत जावत गर्न समस्या परेको बातावरणीय प्रतिकुलता उत्पन्न भएको र दुर्घटना ग्रस्त क्षेत्र रहेकोले तत्काल निर्माण कार्य अगाडि बढाउनुको लागी आवश्यक कार्वाहीको प्रकृया अगाडि बढाउन सम्बन्धित कार्यालयको गम्भिर ध्यानाकर्षण गर्दछौं साथै सरकारी निती नियम अनुसार आवश्यक कार्वाहीको प्रकृया अगाडि बढाउन समेत अनुरोध गर्दछौ ।’

ज्ञापनपत्र लिदै निमित्त निर्देशक भण्डारीले तत्काले ति ठेकेदार कम्पनीका प्रतिनिधिलाई बोलाएर बैठक गरिने बताए । सरकारले पनि कोरोनाको कारण यो वर्षको अन्तिमसम्म काम गर्न समय दिएको भन्दै उनले निर्माण कम्पनीले आफुहरुले दिएको तालिका बमोजिम काम गरेको नपाईएमा तुरुन्तै कारबाहीको प्रक्रिया सुरु गर्ने बताए । ज्ञापनपत्र बुझाउने कार्यक्रममा वडा नंबर २ का वडा अध्यक्ष हरि राउत, १० का वडा अध्यक्ष कितापसिंह लामा सहितका वडा सदस्य, टोल विकास सस्थाका प्रतिनिधिहरु लगाएतकाको उपस्थिती रहेको थियो ।

हेटौँडामा ४२ किलो गाँजासहित दुई भारतीय नागरिक पक्राउ

बागमती प्रदेशले संघिय सरकारसँग पुनर्निर्माणका लागि एक अर्ब अनुदान माग्ने

कारले स्कटिङ् गर्दै ल्याएको एक सय ६२ किलो गाँजासहित दुई जना पक्राउ