चितवन । अस्कर इन्टरनेसनल कलेजले चितवनमा सोमबार ‘सिनेमा साक्षारता अभियान’ सञ्चालन गर्ने भएको छ । देशभरनै ‘सिनेमा साक्षारता अभियान’ सञ्चालन गरिरहेको अस्करले चितवनमा सोमबार उक्त कार्यक्रम गर्ने भएको हो । कार्यक्रम भरतपुरस्थित सप्तगण्डकी बहुमुखी कलेजमा गरिने अस्करका प्राध्यापक रामराजा दाहालले जानकारी दिनुभयो ।

कार्यक्रम बिहान ११ बजेदेखि दिउँसो ४ बजेसम्म हुनेछ । नयाँ पुस्तालाई सिनेमासम्बन्धी आधारभूत जानकारी दिने र सिनेमाप्रति रुचि जगाउने उद्देश्यले कार्यक्रम आयोजना गरिएको दाहालको भनाइ छ । कार्यशालामा सिनेमासम्बन्धी प्रश्नोत्तर, अभिनयका अभ्यासहरू, सिनेमा इतिहास, चरित्रबारे जानकारी दिईनेछ ।

कार्यशालामा वास्तविक जीवनमा देखिएका चरित्रहरूको उदाहरण दिँदै घटना परिघटना जोड्दै सहभागी विद्यार्थीहरूले तत्कालै एउटा कथालाई कसरी पटकथामा रूपान्तरण गर्ने कुरा पनि सिकाइनेछ । कागजमा लेखिएका कुरालाई कसरी श्रव्यदृश्यमा रूपान्तरण गर्ने भनेर त्यहीं प्रयोगात्मक अभ्यास पनि गरिने प्राध्यापक दाहालले बताए ।

सिनेमाका गतिविधि काठमाडौं केन्द्रित भएकोले मफोसल केन्द्रित कार्यक्रम यो अभियान सञ्चालन गरिएको प्राध्यापक दाहालको भनाइ छ ।

चितवनमा रहेको धान ‘जोन’मा उत्पादन बढ्यो

अखिल क्रान्तिकारी चितवनद्वारा भरतपुर महानगरलाई ७२ घण्टे अल्टिमेटम, शुल्क वृद्धि खारेज गर्न माग

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन