हेटौंडा । उत्तरी मकवानपुरको भीमफेदी-९ को गोलमोडमा सुमो दुर्घटनामा एक जनाको मृत्यु भएको छ भने ९ जना घाईते भएका छन् । गएराति काठमाण्डौबाट हेटौंडा आउँदै गरेको ना १ ज ४१३८ नंबरको सुमो दुर्घटना हुँदा सुमोमा सवार १० जना घाईते मध्ये एक जनाको मृत्यु र अन्यको हेटौंडा स्थित चुरेहिल अस्पतालमा उपचार भईरहेको जिल्ला प्रहरी कार्यलय मकवानपुरका प्रहरी प्रवक्ता ईन्द्र बहादुर रानाले जानकारी दिए ।

उनका अनुसार दुर्घटनामा मृत्यु हुनेमा सप्तरीका अन्दाजी ३३ वर्षीय प्रमान्द चौधरी रहेका छन् । शनिबार राति हिउँमा चिप्लिएर सुमो आफै अनियन्त्रित हुँदा दुर्घटना भएको हुनसक्ने इलाका प्रहरी कार्यलय पालुङले जनाएको छ । शनिबार दिउँसो मकवानपुरको सिमभञ्याङ क्षेत्रमा हिमपात भएको थियो । शनिबार दिउँसो वर्षा सहित हिमपात भएको हो । थाहा नगरपालिकाको सिमभञ्याङ तथा दामान क्षेत्रमा सामान्य हिउँ परेको र शिखरकोट क्षेत्रमा असिना पानी सहित सामान्य हिउँ परेको थियो ।

बागमती प्रदेशले संघिय सरकारसँग पुनर्निर्माणका लागि एक अर्ब अनुदान माग्ने

कारले स्कटिङ् गर्दै ल्याएको एक सय ६२ किलो गाँजासहित दुई जना पक्राउ

सीएमसीद्वारा कैलाशमा निःशुल्क स्वास्थ्य शिविर, ३८३ जनाले लिए सेवा