सांकेतिक तस्विर

हेटौंडा । गएको फागुन ११ गते (मंगलबार) बिहान हेटौंडाको चौकीटोलमा भएको सुमो दुर्घटनामा घाईते भएका ६३ वर्षीय छोइगु लामाको उपचारको क्रममा गएराति मृत्यु भएको छ ।मंगलबार बिहान हेटौंडाबाट भैसैतर्फ जाँदै गरेको प्रदेश–३ –०३–००१ ज ००२९ नम्बर र विपरीत दिशाबाट आउँदै गरेको ना १ ज २४६० नम्बरका सुमो ठोक्किएर दुर्घटना भएको थियो ।

सुमो दुर्घटनामा ११ जना घाईते भएका थिए । सोहि दुर्घटनामा मनहरी गाउँपालिका वडा नंबर १ का ६३ वर्षीय लामा पनि घाईते भएका थिए । उनको गएराति १ बजेको समयमा उपचारको क्रममा हेटौंडाको सन्चो अस्पतालमा मृत्यु भएको प्रहरी जनाएको छ । जिल्ला प्रहरी कार्यलय मकवानपुरका प्रहरी प्रवक्ता अमर प्रसाद गजमेरका अनुसार फागुन ११ गते मंगलबार दुर्घटनामा परी घाइते भएका लामालाई उपचारपश्चात घर लगिएको थियो ।

तर,बिहिबार एक्कासी स्वास्थ्यमा समस्या आएपछि उनलाई सन्चो अस्पतालमा ल्याएको र उपचारको क्रममा गएराति मृत्यु भएको हो । दुर्घटनामा घाईते भएका अन्य १० जनाको स्वास्थ्य अवस्था भने सामान्य रहेको प्रहरीले जनाएको छ ।

बागमती प्रदेशले संघिय सरकारसँग पुनर्निर्माणका लागि एक अर्ब अनुदान माग्ने

कारले स्कटिङ् गर्दै ल्याएको एक सय ६२ किलो गाँजासहित दुई जना पक्राउ

सीएमसीद्वारा कैलाशमा निःशुल्क स्वास्थ्य शिविर, ३८३ जनाले लिए सेवा