भीमफेदी । मकवानपुरको भीमफेदी गाउँपालिकाले घर घरमा झन्डा सुत्केरी लाई अन्डा अभियान सुरु गरेको छ। गर्भवती महिला र बच्चाको स्वास्थ सुरक्षालाई मध्यनजर गर्दै यो अभियान सुरु गरिएको गाउँपालिकाकी उपाध्यक्ष पार्वती रानाले बताईन् ।

आइतबार भीमफेदी गाउँपालिकाको वडा नम्बर ७ कोगटे मा रहेको सिर्जनशिल महिला बचत तथा ऋण सहकारी संस्थाको जेष्ठ नागरिक तथा एकल महिला सम्मान कार्यक्रममा बोल्दै उनले यस्तो बताएकी हुन् । उनले गर्भवती हुँदाको अवस्थामा महिलाको शरिरमा पौष्टिक आहार नपुग्ने र जसले गर्दा आमा र बच्चा दुबै अस्वस्थ हुने भन्दै गर्भवती महिला भएको घरमा हरियो रंङको झन्डा राख्ने र उक्त घरमा प्रती महिना एक क्रेट अन्डा उपलब्ध गराउने गाउँपालिको अभियान रहेको बताईन् ।

त्यस्तै सुत्केरी भइसके पछी स्वास्थ्य संस्थाले दिने नियमित सुत्केरी भत्तामा दुई हजार थप गरि सुत्केरी भत्ता दिने समेतको अभियान पनि गाउँपालिकाले सुरु गरेको बताईन् । महिला स्वास्थ सुरक्षाको लागि यो प्रयास सार्थक बन्न सक्ने गाउँपालिकाको उपाध्यक्ष रानाको भनाई छ । महिला सशक्तीकरणको लागि महिला उद्धमशिलता,बचत र सहकारी बाट गरिने कारोबार लाई उच्च प्राथमिकतामा राखेर आफुहरु महिला सहकारीलाई बलियो बनाउन प्रतिबद्ध रहेको उपाध्यक्ष रानाको भनाई छ ।

बागमती प्रदेशले संघिय सरकारसँग पुनर्निर्माणका लागि एक अर्ब अनुदान माग्ने

कारले स्कटिङ् गर्दै ल्याएको एक सय ६२ किलो गाँजासहित दुई जना पक्राउ

सीएमसीद्वारा कैलाशमा निःशुल्क स्वास्थ्य शिविर, ३८३ जनाले लिए सेवा