नवलपुर । नवलपुरको रजहरमा रहेको प्राकृतिक सामुदायिक अस्पतालमा कोभिड विरामीलाई उपचार सहयोगार्थ गैर आवासीय नेपाल संघ मोजाम्बिक अफ्रिकाले दश थान अक्सिजन सहित सिलिण्डर प्रदान गरेको छ । गैर आवासीय संघ मोजाम्विककी अध्यक्ष देवी पौडेलको पहलमा त्यहां कार्यरत नेपालीले संकलन गरेको २ लाख ५ लागतमा उक्त सामाग्री अस्पताल व्यवश्थापन टिमलाई हस्तान्तरण गरेको हो ।
अक्सिजनको अभावले धेरै नेपालीको अकाल्मै मृत्यु भएको खवरले पिरोलिएपछि केही भएपनि टेवा पुगोस भन्ने हेतुले सहयोग गरेको अध्यक्ष पौडेलले जानकारी दिनुभयो । साउथ अफ्रिकाको मोजाम्विकमा नेपालीहरु न्यून करिव २५ जना मात्रै रहेका छन । रजहर फारममा माईती घर रहेका पौडेल मोजाम्विकको एक वहुराष्ट्रिय कम्पनीको पुर्व मार्केटिङ्ग प्रमुख र उनका श्रीमान अर्का वहुराष्ट्रिय कम्पनीका कन्ट्रि डिरेक्टर हुन् ।
एन आर एन अफ्रिकाले मातृभूमिमा अक्सिजन सहयोग अभियान थालनी गरि कैलाली, नेपालगंज, पाल्पा, गुल्मी, स्याङ्जा, चितवन, बारा, पर्शा, नवलपरासी पश्चिम र नवलपुर गरि १० जिल्लालाई ४ सय ५० थान अक्सिजन ग्यांस सिलिण्डर प्रदान गरेको छ । यस अभियान एन आर एन दक्षिण अफ्रिकाका संयोजक रोशन थापाको अगुवाईमा अध्यक्ष पौडेल सहित नाइजेरियाका हिकमत थापा, कङ्गोका अध्यक्ष अमृत क्षेत्री, एन सिसिका वन्दना प्रजापती, वासुदेव घिमिरे, राजकुमार पाल्पाली वस्याल, प्रभा वस्याल लगायत कृयाशिल रहेका छन् ।
यसैविच अक्सिजन सिलिण्डर ग्रहण पश्चात सामुदायिक प्राकृतिक चिकित्सालयका अध्यक्ष सन्त बहादुर क्षेत्रीले आफ्नै रोजगारीको अनिश्चित भएको विश्वकै जटिल परिस्थितिमा पनि आफ्नो मातृभूमिलाई सम्झेर सहयोग गर्नुभएकोमा धन्यवाद ज्ञापन गर्नुभयो ।
अस्पताल समितिकै अगुवाईमा सञ्चालन गर्ने तयारी
अघिल्लो पटक झण्डै दुई हजार कोरोनाका विरामीलाई शत प्रतिशत निको पारी उदाहरणीय बनेको रजहरको प्राकृति सामुदायिक अस्पताल सञ्चालन गर्ने विषयमा सरकारी स्तरबाट चासो नदेखाए पछि अस्पताल व्यवश्थापन टिमले नै सञ्चालनमा ल्याउने तयारी गरेको छ ।
अस्पताल सञ्चालन गर्न समुदायको व्यापक दवाव र आग्रह अनुसार नागरिक स्तरबाटै सहयोग जुटाएर भएपनि अस्पताल सञ्चालनको तयारीमा रहेको अस्पताल सञ्चालक समितिका सन्त बहादुर क्षेत्रीले जानकारी दिनुभयो ।
अस्पतालको मंगलबार बसेको बैठकले अस्पताललाई आवश्यक जनशक्ति परिपुर्ति गर्न छनौट समिति, आर्थिक समिति र सरोकारवालाहरुसंग समन्वय गर्न ३ वटा समिति गठन गरेको अस्पतालका सुपरिटेन्डेण्ट डा विनोद पौडेलले जानकारी दिनुभयो । एक्सरे मेसिन, ल्याव निर्माणका लागि करिव २५ लाख जति बजेट भयो भने तत्काल अस्पताल सञ्चालन गर्न सकिने व्यवश्थापक हरि प्रसाद सापकोटाले जानकारी दिनुभयो ।
व्यवश्थापक सापकोटा र अस्पतालका सुपरिटेन्डेन्ट डा विनोद पौडेलले उपचार सेवामा खट्ने प्रतिवद्वता समेत व्यक्त गर्नुभएको छ । अस्पतालमा २ सय ५० वेड क्षमता रहेको अस्पतालमा कोभिडको विरामी उपचार गर्न तयारीका लागि गत महिना नै सम्पूर्ण अन्य विरामीको उपचार सेवा बन्द गरेको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.