नवलपुर । नवलपुर जिल्लाका एग्रोभेट तथा भेटरीनरीहरुमा अनुगमनलाई तीब्र पारिएको छ । नक्कली कृषकहरुले धानको बीउ राख्ने समयमा नक्कली न्युन गुणस्तरको बीउ बीजन बिक्री हुने गरेको गुनासोको आधारमा कृषि ज्ञान केन्द्रसहितको टोलीले अनुगमन गरेको हो । सरकार सूचीबाट हटाईएका बीउ बीजन बिक्री रोक्न र दोषीलाई कारवाही गर्न अनुगमन गरिएको नवलपुरकी बाली संरक्षण अधिकृत मीरा चौधरीले जानकारी दिनुभयो । कृषि ज्ञान केन्द्र नवलपुरले तीन वटा टोली बनाएर जिल्लाभर गरेको छ ।

अनुगमनका क्रममा भटेरिनरी सञ्चालकहरुले सरकारले सूचीकरणबाट हटाएको गोरखनाथ धानको बीउ लगायत अन्य बीउ बिक्री गरिदिन विचौलियाले अनुरोध गरेपनि आफूहरुले इन्कार गरेको बताएका छन । तर अनुगमनका क्रममा अधिकाँश एग्रोभेटले आफूले विक्री गर्ने विषादी र कुखुराका दाना तथा औषधिहरु एकै ठाउँमा राख्ने गरेको, विषादी विक्री वितरणको अनुमति पत्र नविकरण नगरेको , मिति सकिएका विषादी तथा सामाग्री राख्ने छुट्टै ठाउँ नबनाएको भेटिएपछि एक पटकलाई सचेत गराएर छाडिएको चौधरीले बताउनुभयो ।

टोलीले गैँडाकोट एग्रो कन्सर्न, मौलाकालिका एग्रोभेट, शाह भेट फर्म र सापकोटा भेटरीनरी सेन्टर भँैसाखोरीमा अनुगमन गरेको थियो । तर सोही टोलीले रजहरमा भने सरकारले अनुमति नदिएको वीउ विक्रिवितरण गरीरहेका दुई वटा एग्रोभेटबाट ३२० केजी धानको वीउ वरामद गरेको छ । विपीटी ५२०४ जातको ८० केजी र सुपर सोना काभेरी २४० केजी अवैध धानको बीउ बरामद गरेको चौधरीले जानकारी दिनुभयो ।

रजहरको चौधरी एग्रोसेन्टर र मगल भेटफर्माबाट उक्त बीउ वरामद गरीएको चौधरीले बताउनुभयो । गैडाकोटको अनुगमनमा चौधरी सहित जिल्ला प्रशासन कार्यालयका कुस्माकर सापकोटा, उपभोक्ता संरक्षण मन्चका झलक पौडेल, घरेलु कार्यालयका नरेन्द्रदेव भुषाल, इलाका प्रहरी कार्यालय गैँडाकोटका प्रहरी नायव निरीक्षक सूर्यप्रसाद आचार्य र पत्रकारहरुको उपस्थिति रहेको थियो ।

अनुगमन पछि वाली संरक्षण अधिकृत मिरा चौधरीले सरकारले प्रतिबन्ध लगाएका धानको वीउ नकिन्न र विक्रि भएको पाए ज्ञान केन्द्रलाई जानकारी गराउन आह्वान गर्नुभएको छ । सरकारले सिफारिस नगरेका बीउहरु लगाए उत्पादन नहुने भन्दै जिल्लामा उन्नत र गुणस्तरीय वीउविजनको अभाव हुन नदिएको बताउनुभयो ।

जिल्लाका तीन वटा कृषि सहकारीहरुले वीउ परीक्षण गरेर आधिकारिक रुपमा किसानहरुलाई आपुर्ति गराएको बताउँदै सोही स्थानबाट खरिद गर्न उहांँले आग्रह गर्नुभयो ।

दमौलीका दुई युवाद्वारा सयपत्री फूलखेती सुरु

अखिल क्रान्तिकारी चितवनद्वारा भरतपुर महानगरलाई ७२ घण्टे अल्टिमेटम, शुल्क वृद्धि खारेज गर्न माग

हराएका मतदाता फर्काउन मंसिरमा एक महिने अभियान चलाउँछौँः गगन थापा