चितवन । शुक्रबार राती राष्ट्रपति विद्या भण्डारीद्धारा प्रतिनिधि सभा विघटन गरेपछि यसको विरोधमा नेपाली काँग्रेसको भातृ संगठन नेपाल तरुण दल र नेविसंघ माडी क्याम्पसले प्रधानमन्त्री र राष्ट्रपतिको पुत्ला दहन गरेको छ ।

आज (आइतबार ) साँझ तरुणदल माडीले पुलचोकमा.प्रधानमन्त्री र राष्ट्रपति बिरुद्ध नाराबाजी गर्दै पुत्ला दहन गरेको हो । माडी क्याम्पसका अध्यक्ष सुरज लामिछानेको नेतृत्वमा विद्यार्थी संगठन एवं तरुणदलका नेता कार्यकर्ताले पुत्ला दहन गरेका थिए ।

उक्त विरोध प्रर्दशनमा नगर सभापति विकास ओझा, नेबिसंघ जिल्ला सदस्य प्रविन देवकोटा लगायत ४० जना विद्यार्थी नेता तथा तरुणदलका नेताहरुको सहभागिता रहेको थियो । लोकतन्त्रको विरुद्ध राष्ट्रपतिले चालेको कदम प्रति खेद प्रकट गर्दै विभिन्न राजनैतिक दल, सामाजिक संस्थाहरुले पनि असन्तुष्टी जनाएका छन ।

मन्त्रीपरिषद्को सिफारिसमा राष्ट्रपति विद्यादेवी भण्डारीले मध्यरातमा प्रतिनिधिसभा विघटन गरेर मध्यावधि चुनाव घोषणा गरेकी थिइन् । प्रतिनिधि सभा विघटनपछि प्रतिनिधिसभा सदस्यका लागि चुनावको मिति कात्तिक २६ र मंसिर ३ गतेलाई तोकिएको छ ।

यसअघि मध्यरातमा बसेको मन्त्रिपरिषद् बैठकले संविधानको धारा ७६(७) अनुसार प्रतिनिधिसभा भंग गरी मध्यावधी निर्वाचन घोषणा गर्न राष्ट्रपतिसमक्ष सिफारिस गर्ने निर्णय गरेको थियो ।

अखिल क्रान्तिकारी चितवनद्वारा भरतपुर महानगरलाई ७२ घण्टे अल्टिमेटम, शुल्क वृद्धि खारेज गर्न माग

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’