चितवन । रत्ननगरनगरपालिका वडा नम्बर ५ अन्तर्गत सामुदायिक वनमा न्यूरो टिप्न गएकी एक महिलामाथि बाघले आक्रमण गर्दा मृत्यु भएको  छ । मृत्यु हुनेमा रत्नन नगरपालिका वडा नम्बर ५ मगरटोलकी गीता श्रेष्ठ अधिकारी रहेकी छिन ।

इलाका प्रहरी कार्यालय, टांँडीका अनुसार स्थानीय जनकौली सामुदायिक वनमा न्यूरो टिप्न गएकी उनलाई मध्यान्ह सांँढे बाह्रबजेतिर बाघले आक्रमण गरेको थियो । ‘३,४ जनाको स्थानीय टोली न्यूरो टिप्न गएका रहेछन कार्यालयका प्रमुख प्रहरी नायब उपरीक्षक इन्द्र बहादुर रानाले भने, उनी आक्रमणमा परेको संँगै गएका टोलीबाट दुईबजे मात्र थाहा पायौं ।

’ हाल वनमा महिलाको कपडा , रगत देखिएकाले उनलाई आक्रमण गरी मारेको रानाले बताए । वनमा बाक्लो झाडी भएका कारण बाघलाई नियन्त्रणमा लिन सकिएको छैन भने महिलाको एकिन अबस्था पत्ता लागेको छैन ।

स्थानीयले प्रहरीलाई खबर गरेपनि सेनाको टोली धेरै समयपछि मात्र घटनास्थल आइपुगेको छ । निकुञ्जले उद्धारमा ढिलाई गरेको भन्दै स्थानीय आक्रोशित भएका छन। सामुदायिक वनका अध्यक्ष जोगेन्द्र महत्तोले महिलाको टाउको, कपडा रगतको फोटो खिचेर ल्याएकोले हालसम्म महिला जीवित नभएको बताए ।

‘साथीहरुले मलाई महिलाको खप्पर कपडा, रगतकै फोटो देखाउनु भयो ।’ उनले भने । बाघले महिलालाई संँगै लिएर गएको स्थानीयले देखेको , स्थानीयलाई उद्ध्रृत गर्दै महत्तोले भने । अहिले घटनास्थल वरपर ठूलो संख्यामा स्थानीयहरुको ठूलो भीड लागेको छ ।

दमौलीका दुई युवाद्वारा सयपत्री फूलखेती सुरु

अखिल क्रान्तिकारी चितवनद्वारा भरतपुर महानगरलाई ७२ घण्टे अल्टिमेटम, शुल्क वृद्धि खारेज गर्न माग

हराएका मतदाता फर्काउन मंसिरमा एक महिने अभियान चलाउँछौँः गगन थापा