हेटौंडा । बिहिबारदेखि लगातार परेको अबिरल वर्षाका कारण मकवानपुरको विभिन्न स्थानमा पहिरो गएको छ । पहिरोका कारण हेटौंडाबाट काठमाडौं जाने सबै मार्ग अबरुद्ध बनेका छन् ।

अबिरल वर्षाका कारण त्रिभुवन राजपथको हेटौडा–भैसे सडक खण्ड अन्तर्गत भिमफेदी– १ बाघझोरा, त्रिभुवन राजपथ कै (भैसे–पालुङ–नौबिसे सडक खण्ड) भिमफेदी– ९ अघोर, थाहा– ६ खानीगाउँ, थाहा नगर–१२ गैरीगाउँमा पहिरो जाँदा हेटौंडाबाट पालुङ जोडने सडक खण्ड अबरुद्ध बनेको हो ।

यता काठमाडौं जोडने छोटो दुरीको मार्ग भैस–भिमफेदी–फाखेल र सिस्नेरी सडक खण्ड अन्तर्गत भिमफेदी–२ पान्द्राङ, सोहि सडकखण्डको भिमफेदी– ६ गढी, देराली, फाखेल सडकखण्ड अन्तर्गत ईन्द्रसरोबर– ४ महालक्ष्मीखोला, ईन्द्रसरोबर– २ कुलेखानीमा पहिरो जाँदा सडकखण्ड अवरुद्ध बनेको मकवानपुर प्रहरीले जनाएको छ ।

त्यसैगरी कान्ती लोकपथ अन्तर्गत भिमफेदी–८ गंगटे, कालो पहिरोमा पहिरोले कालोपत्रे बगाउदा मकवानपुर भएर काठमाडौं जोडने सबै मार्ग अबरुद्ध भएको मकवानपुरका निमित्त प्रहरी प्रवक्ता प्रहरी निरीक्षक देवेन्द्र दासले  बताएका छन् ।

यता पहिरो जाँदा कान्तिलोकपथ अन्तर्गत ललितपुरको भट्टेडाडामा पहिरो गएको जनाइएको छ । लगाताको बर्षाका कारण पहिरो हटाउन समस्या भएको प्रहरीले जनाएको छ ।

हेटौँडामा ४२ किलो गाँजासहित दुई भारतीय नागरिक पक्राउ

बागमती प्रदेशले संघिय सरकारसँग पुनर्निर्माणका लागि एक अर्ब अनुदान माग्ने

कारले स्कटिङ् गर्दै ल्याएको एक सय ६२ किलो गाँजासहित दुई जना पक्राउ