चितवन । चितवनका चार राजनीतिक दलको संयुक्त मोर्चाले किसानलाई समयमा नै मल, बिउ, औषधी र सिचाँई उपलब्ध गराउन माग गरेको छ । रणनैतीक संयुक्त मोर्चा चितवनले जिल्लाका किसानहरुलाई समयमै मल, बिउ उपलब्ध गराउन जिल्ला प्रशासन कार्यालय, कृषि सामाग्री कम्पनी लिमिटेड र जिल्ला सिचाई कार्यालय चितवन सँग माग गरेको हो ।

नेपाल कम्युनिष्ट पार्टी क्रान्तिकारी माओवादी जिल्ला इन्चार्ज बिकास सापकोटा, नेपाल कम्युनिष्ट पार्टी जिल्ला सेक्रेटरी मिन प्रसाद, वैज्ञानिक समाजवादी कम्युनिष्ट पार्टी चितवन प्रतिनिधि गोविन्द विश्वकर्मा र नेपाल कम्युनिष्ट पार्टी चितवनका केन्द्रीय सदस्य बद्रीनाथ अधिकारी संयुक्त रुपमा ध्यानाकर्षण पत्र बुझाउदै सो माग गरेका हुन् ।

मलमा कालो बजारी, सिचाईमा कमिसनको खेल हुँदा कुलो नाला समयमै निर्माण तथा मर्मत हुन नसक्दा पनि सम्बन्धित निकायले चासो नदिएको प्रति गम्भीर ध्यानाकर्षण भएको ध्यानाकर्षण पत्रमा उल्लेख छ । वाली लगाउने बेलामा मलको खोजीमा किसान घण्टौ लाइनमा बस्नुपर्ने वाध्यता रहेको भन्दै कालोबजारी गर्नेलाई कारबाहीको माग गरिएको छ

। समयमा नै मल, बिउ, औषधि र सिचाई नपाए जिल्लाका सम्पूर्ण किसानलाई साथमा लिएर आन्दोलनमा उत्रिने उनीहरुको चेतावनी छ ।

चितवनमा रहेको धान ‘जोन’मा उत्पादन बढ्यो

अखिल क्रान्तिकारी चितवनद्वारा भरतपुर महानगरलाई ७२ घण्टे अल्टिमेटम, शुल्क वृद्धि खारेज गर्न माग

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन