देवघाट । बाँदरको नियन्त्रण तथा व्यवस्थापन सम्बन्धमा सोमबार देवघाटमा अन्तरक्रिया कार्यक्रम सम्पन्न भएको छ । देवघाट क्षेत्र विकास समितिको आयोजनामा भएको सो कार्यक्रममा बोल्ने वक्ताहरुले बाँदरले देवघाट क्षेत्रमा निकै दुख दिएको हुँदा बाँदरको नियन्त्रण र व्यवस्थापन अनिबार्य भएको बताए ।

सो अन्तरक्रिया कार्यक्रममा बाग्मती प्रदेशका सांसद कृष्ण प्रसाद सिलवालले बाँदर नियन्त्रणको लागि प्रदेश सरकारले सहयोग गर्ने बताए । भरतपुर महानगरपालिकाका उपप्रमुख चित्रसेन अधिकारीले बाँदर नियन्त्रणकोलागि भरतपुर महानगरपालिका देवघाट गाउँपालिकासँग सहकार्य गर्न तयार रहेको बताए । सो कार्यक्रममा देवघाट गाउँपालिकाका अध्यक्ष तिलबहादुर थापाले बाँदरको व्यवस्थापन देवघाटकोलागि निकै चुनौती बनेको बताए । बाँदर पार्क, बाँदर स्थानातान्तरण लगायतको कामले पनि यो समस्या समाधान नहुने भन्दै अध्यक्ष थापाले देवघाट गाउँपालिकाका जनता दिनदिनै बाँदर सँग लडेर बस्न पुरेको बताए ।

कृषकले लगाएको मकै, मास, केरा, भटमास लगायतका फलफुल र अन्नबाली सबै बाँदरले खाएर नष्ट गर्ने भन्दै अध्यक्ष थापाले बाँदरले अहिलेसम्म सुन्तला खान सिकेको छैन, यदी कुनै दिन बाँदरले सुन्तला खान जान्यो भने छिपछिपेका कुनै पनि सुन्तला बाँकी नरहने र यो कारणले कृषक ठुलो मारमा पर्ने बताए । अध्यक्ष थापाले दिर्घकालिन नीति बनाएर बाँदरको व्यवस्थापन गर्नु पर्नेमा जोड दिए ।

सो कार्यक्रममा देवघाट गाउँपालिकाका प्रमुख प्रशासकीय अधिकृत गौरी प्रसाद आचार्य, देवघाट क्षेत्र विकास समितिका अध्यक्ष भिम बहादुर राना, देवघाट क्षेत्र विकास समितिका कार्यकारी निर्देशन सदन बराल, देवघाट क्षेत्र विकास समितिका पूर्व अध्यक्ष शिवराज पौडेल, समाजसेवी रामनाथ मिश्र, चक्रबर्ती आश्रम व्यवस्थापन समितिका अध्यक्ष भवानी प्रसाद तिम्सिना, सव–डिभिजन वन कार्यालय देवघाटका प्रमुख कृष्ण प्रसाद भट्ट, उद्योग वाणिज्य संघ देवघाटका अध्यक्ष रोशन श्रेष्ठ, गार्गी कन्य गुरूकुलका राम प्रसाद वर्ती, सीताराम संस्कृत माध्यमिक विद्यालयका व्यवस्थापन समितिका अध्यक्ष मुकुन्द शरण सिग्देल लगाएतले बाँदर नियन्त्रण सम्बन्धमा धारणा राखेका थिए ।

दमौलीका दुई युवाद्वारा सयपत्री फूलखेती सुरु

अविरल वर्षाले पृथ्वीराजमार्ग पहिरोको उच्च जोखिममा

हप्ताको दुई दिन बिदाले बन्दीपुरमा पर्यटकको सङ्ख्यामा वृद्धि