चितवन । चितवनको इच्छाकामना गाउँपालिका–४ स्थित घोप्टेभीरमा सडकमाथिबाट खसेको ढुङ्गाले लागेर मोटरसाइकल चालकको मृत्यु भएको छ।
मृत्यु हुनेमा ललितपुर महानगरपालिका–२० निवासी ६१ वर्षीय गंगाराम महर्जन रहेका छन्।
प्रहरीका अनुसार २०८३ मंसिर १ गते दिउँसो ३:२२ बजे काठमाडौँबाट मुग्लिङतर्फ जाँदै गरेको बा.८५ प ६०१ नम्बरको मोटरसाइकलमाथि अचानक सडकमाथिबाट ढुङ्गा खसेको थियो।
ढुङ्गाले लाग्दा महर्जनको टाउकोमा गम्भीर चोट लागेको थियो। तत्काल उद्धार गरी उपचारका लागि भरतपुर सरकारी अस्पताल पुर्याइएका उनलाई चिकित्सकले दिउँसो ४:४९ बजे मृत घोषणा गरेका थिए।
घटनापछि प्रहरीले आवश्यक अनुसन्धान अघि बढाएको जनाएको छ। घोप्टेभीर क्षेत्रमा सडकमाथिबाट ढुङ्गा खस्दा भएको यस घटनाले उक्त सडकखण्डको यात्रामा जोखिम रहेको पुनः देखाएको छ।








