हेटौंडा । मकवानपुरमा थप एक साता निषेधाज्ञा लम्बिएको छ । आइतबार जिल्ला प्रशासन कार्यालय मकवानपुरमा बसेको जिल्ला कोभिड–१९ संकट व्यवस्थापन केन्द्रको बैठकले उक्त निर्णय लिएको हो । उक्त निर्णय अनुसार जिल्लामा निषेधाज्ञा आगामी असार ६ गतेसम्म जारी रहने भएको छ ।
कोरोना संक्रमणको उच्च दरलाई नियन्त्रणका लागि संकट व्यवस्थापन केन्द्र मकवानपुरले जारी गरेको निषेधाज्ञालाई आजको बैठकले केही खुकुलो बनाउने निर्णय गरेको छ । बैठकको निर्णय अनुसार मकवानपुरमा अत्यावश्यक खाद्यान्न, तरकारी, माछा–मासु पसलहरु बिहान ४ वजेदेखि १० बजेसम्म खुल्ने भएको छ । त्यस्तै, बैठकले बैंक तथा वित्तिय संस्थाहरुलाई नियमित रुपमा दैनिक विहान १० वजेदेखि दिउसो २ वजेसम्म कारोवार संचालन गर्न, स्थलगत रुपमा आर्थिक संकलन नगर्ने गरी जिल्लामा संचालनमा रहेको सहकारी संस्थाहरुलाई दैनिक बिहान १० बजे देखि दिउसो २ बजेसम्म कारोवार संचालन गर्न अनुमति दिएको छ ।
असार १ गतेदेखि नयाँ शैक्षिक सत्र सुरु हुने भएकाले जिल्लामा संचालनमा रहेको पुस्तक तथा स्टेशनरी पसलहरु पनि विहान १० बजेसम्म खोल्न पाइने बैठकले निर्णय गरेको छ । त्यस्तै बैठकले मोवाइल, ल्यापटपलगायत इलेक्ट्रोनिक्स सामग्री मर्मत गर्ने पसलहरुपनि संचालन गर्ने अनुमति प्रदान गरेको छ । कोरोना संक्रमणको जोखिम बढ्दै गएपछि संकट व्यवस्थापन केन्द्र मकवानपुरले गत बैशाख १९ गतेदेखि निषेधाज्ञा जारी गरेको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.