हेटौंडा ।  जिल्ला प्रशासन कार्यालय मकवानपुरले नागरिकता लिनका लागि निश्चित दिन तोकेको छ । प्रशासनले बुधबार एक सूचना जारी गर्दै कोरोना भाइरस (कोभिड–१९) संक्रमणलाई रोकथाम तथा नियन्त्रणलाई मध्येनजर गर्दै नागरिकता लिनका लागि निश्चित दिन तोकेको जनाएको छ ।

जिल्ला प्रशासन कार्यालयमा नयाँ नागरिकता लिने, प्रतिलिपी निकाल्ने र राहदानी लिन आउने जिल्लाको १० वटै स्थानीय तहलाई निश्चित दिन तोकेको जिल्ला प्रशासन कार्यालय मकवानपुरका सूचना अधिकारी देवचन्द्र गर्तौलाले जानकारी दिए । उनका अनुसार, प्रशासनले नागरिकता लिन हेटौँडा उपमहानगरपालिकालाई नयाँ र प्रतिलिपि नागरिकता, राहदानी लिनका लागि आइतबार र सोमबार तोकिएको छ ।

यसैगरी, थाहानगरपालिका, राक्सिराङ गाउँपालिका, कैलाश गाउँपालिका, इन्द्रेसरोबर गाउँपालिका, र भीमफेदी गाउँपालिकालाई नयाँ र प्रतिलिपि नागरिकता, राहदानी लिनका लागि मंगलबार र बुधबारको दिन तोकिएको छ भने बागमती गाउँपालिका, बकैयाँ गाउँपालिका, मकवानपुरगढी गाउँपालिका र मनहरी गाउँपालिकालाई बिहिबार र शुक्रबार समय तोकिएको छ ।

नागरिकता र राहदानी बाहेक अन्य कार्यका लागि सबै स्थानीय तहलाई निश्चित दिन नतोकिएको जिल्ला प्रशासन कार्यालय मकवानपुरले जनाएको छ । उक्त नियम आगामी असार १३ गतेलेखि लागू हुनेछ ।

हेटौँडामा ४२ किलो गाँजासहित दुई भारतीय नागरिक पक्राउ

बागमती प्रदेशले संघिय सरकारसँग पुनर्निर्माणका लागि एक अर्ब अनुदान माग्ने

कारले स्कटिङ् गर्दै ल्याएको एक सय ६२ किलो गाँजासहित दुई जना पक्राउ