देवघाट तनहुँ । तनहुँको देवघाट गाउँपालिका वडा नम्बर ५ भित्र रहेको कालिका सामुदायिक भवनमा हिजो कालिका सामुदायिक वन उपभोक्त समुहको २३ औं वार्षिक साधारण सभा सम्पन्न भएको छ। कार्यक्रमका प्रमुख अतिथि देवघाट गाउँपालिका प्रबक्ता एवम् देवघाट ५ नम्बर वडा अध्यक्ष याल बहादुर गुरुङले बिरुवाको बोटमा पानी हालेर कार्यक्रमको उद् घाटन गर्नु भएको थियो।

कार्यक्रमलाई सम्बोधन गर्दै प्रमुख अतिथि देवघाट गाउँपालिका प्रबक्ता एवम् देवघाट ५ नम्बर वडा अध्यक्ष याल बहादुर गुरुङले सामुदायिक वन भित्रका रुख बिरुवा,बन्यजन्तु,खोलानालाहरुको संरक्षण गर्ने जिम्मेवारी हामी सवै रहेको बताउनुभयो।साथै अध्यक्ष गुरुङले सामुदायिक वनको आम्दानी वृद्धि गर्नको निम्ति उचित स्थान छनोट गरि पिकिनिक स्थल बनाउने पर्ने जोड दिनुभयो।

सो कार्यक्रममा स्वागत मन्तव्य कालिका सामुदायिक वनका सचीव तोमा दाहाल र आयव्यय प्रतिवेदन कालिका सामुदायिक वनका कोषाध्यक्ष सुशील नेपालले राख्नु भएको थियो।

कार्यक्रममा देवघाट ५ नम्बर वडा सदस्य भोजराज नैनावस्ति,देवघाट सव डिभिजन वन कार्यालय प्रमुख नवराज ढकालले,देउती सामुदायिक वनका अध्यक्ष सुर्य न्यौपाने लगाएतले शुभकामना मन्तव्य राखेको भने कार्यालयका सचीव निस्मा थापामगरले कार्यक्रम सञ्चालन गरेको थियो भने कालिका सामुदायिक वन उपभोक्त समुहका अध्यक्ष कृष्णराज न्यौपानेको अध्यक्षतामा कार्यक्रम सम्पन्न भएको थियो।

दमौलीका दुई युवाद्वारा सयपत्री फूलखेती सुरु

अविरल वर्षाले पृथ्वीराजमार्ग पहिरोको उच्च जोखिममा

हप्ताको दुई दिन बिदाले बन्दीपुरमा पर्यटकको सङ्ख्यामा वृद्धि