चितवन । काठमाडौबाट बिगत ७ दिनदेखि बेपत्ता भएकी चितवनकी स्नेहा पशुपतिमा फेला परेकी छन् । पारिवारिक स्रोतका अनुसार उनी आज फेला परेकी हुन् । तर, उनको बारेमा सबै जानकारी परिवारले दिएको छैन । चितवनको कालिका नगरपालिका–६ जमुनापुर घर भएकी स्नेहा लामिछाने काठमाडौँ कलंकी मामाघरमा बसेर कम्प्युटर इञ्जिनियरिङ पहिलो सेमेस्टर सगरमाथा इञ्जिनियरिङ कलेजमा पढ्दै थिइन् ।
२२ वर्षीय उनी वैशाख १९ गतेबाट बेपत्ता भएकी थिइन् । सूचनाको आधारमा साँझ परिवार र प्रहरीको टोली आरती हुने स्थान आसपास पुग्दा उनलाई फेला पारिएको जिल्ला प्रहरी परिसर, काठमाडौंका एसपी नवराज अधिकारीले बताए । ‘यत्तिका दिन उहाँ कहाँ हुनुहुन्थ्यो, कस्तो अवस्थामा हुनुहुन्थ्यो भन्ने विषयमा अहिले सोधेका छैनौं’, उनले भने, ‘त्यो विषयमा पनि बुझ्छौं ।’ स्नेहा हराएपछि उनको परिवार र आफन्तजनहरु खोजीमा जुटेका थिए ।
स्नेहाको काका दिपक लामिछानेका अनुसार वैशाख १९ गते उनी मामाघरमा हजुरआमा निदाएको समयमा घरबाट कलेज व्याग बोकेर कलंकी खसी बजारतिर लागेकी थिइन् । मामाघरको सानो गल्ली बाटोबाट बिहान ११ बजेर ५७ मिनेट जाँदा कलंकी खसीबजार जाँदै गरेको सीसीटीभी फुटेजमा देखिएको थियो । कालो पाइन्ट र शर्ट लगाएकी उनी खसी बजारबाट रिङरोड घुम्ने बस चढेको सम्म सीसीटीभीमा देखिएको काका दिपकले जनाएका थिए ।
उनले एसईई चितवनको सगरमाथा बोर्डिङ र १२ कक्षा न्यू क्यापिटल कलेजबाट उतीर्ण गरेकी हुन् । स्नेहाको मोबाइल पनि १९ वैशाखबाटै स्वीच अफ थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.