हेटौँडा । प्रधानमन्त्री केपी शर्मा ओली र राष्ट्रपति विद्यादेवी भण्डारीले गरेको असंवैधानिक कदमविरुद्ध नेपाल तरुण दल हेटौंडा नगर समिति एवम् वाइसिएल मकवानपुरले प्रधानमन्त्री र राष्ट्रपतिको पुत्ला दहन गरेको छ । हेटौंडा उपमहानगरपालिका ४ शीतलमहल चोकमा युवाहरूले पुत्ला जलाएका हुन् ।
देश कोरोना महामारीमा थलिएको बेला प्रधानमन्त्री र राष्ट्रपतिले जनताको हित विपरीत काम गरेको, जनताको समस्या बेवास्ता गरेको भन्दै युवाहरूले नारा जुलुससहित प्रधानमन्त्री र राष्ट्रपतिको पुत्ला दहन गरेको हो । तरुण दल नगर सभापति सुनिल गिरीसहितका युवाहरूको सक्रियतामा पुत्ला जलाइएको थियो ।
पुत्ला दहन कार्यक्रममा वाइसिएल मकवानपुरका लवराज ठकुरी, अविरल गजुरेलसहित युवाहरूको सहभागिता रहेको थियो । “प्रधानमन्त्री केपी शर्मा ओली मुर्दावाद”, “प्रधानमन्त्री राजिनामा दे” जस्ता नारा लगाउँदै युवाहरूले प्रधानमन्त्री र राष्ट्रपतिको पुत्ला जलाएका थिए । पुत्ला दहन कार्यक्रममा नेपाल तरुण दल नगर उपाध्यक्ष भुपेन्द्र अधिकारी, सन्जय पाठक, तरुण ५ नम्बर अध्यक्ष रवि थापा, तरुण नगर सचिव हेमन्त थापा, तरुण जिल्ला सदस्य विक्रम खड्गी लगायतको सहभागिता थियो । तरुण दल नगर समिति एवम् वाइसिएल मकवानपुरले संयुक्त रुपमा कार्यक्रम गरेको हो । कार्यक्रममा तरुण नगर सभापति सुनिल गिरीले केपी ओली नसच्चिए तरुण र वाइसिएलले आन्दोलनमार्फत् ठेगान लगाउने बताए ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.