हेटौंडा । मकवानपुरमा आइतबारदेखि सबै सरकारी कार्यालयको सेवा सुचारु हुने भएको छ । जिल्ला कोभिड–१९ संकट व्यवस्थापन केन्द्र मकवानपुरको बिहीबार बसेको बैठकले स्वास्थ्य सुरक्षाका मापदण्ड पालना गरेर सेवा सुचारु गर्ने निर्णय गरेको जिल्ला कोभिड संकट व्यवस्थापन केन्द्र संयोजक प्रमुख जिल्ला अधिकारी भरतमणि पाण्डेले जानकारी दिए ।
एक हजारभन्दा बढी संख्यामा कोभिड़–१९ का सक्रिय संक्रमित रहिरहेकाले उच्च सतर्कता अपनाएर सेवाप्रवाह गर्ने गरी कार्यालय प्रमुखहरुलाई निर्देशन दिइएको प्रजिअ पाण्डेको भनाइ छ । जिल्ला प्रशासन कार्यालयले बारअनुसार सेवाप्रवाह गर्न सुरु गरेको सन्दर्भमा सबै कार्यालयलाई सोहीअनुसार सतर्कता अपनाउने गरी कार्ययोजना बनाउन भनिएको उनले बताए ।
प्रदेशस्तरीय कार्यालयलाई भने सेवाग्राहीलाई टेलिफोनमार्फत् जानकारी लिएरमात्र आउने व्यवस्था गर्न भनिएको छ। जिल्लाको सरकारी कार्यालय मालपोत र नापी कार्यालयलाई विशेष सतर्कतासाथ सेवाप्रवाह गर्न निर्देशन दिएको प्रजिअ पाण्डेले बताए ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.