काठमाण्डौ । कोरोना महामारीका कारण रोकिएको राष्ट्रिय जनगणना २०७८ को तथ्याङ्क सङ्कलन कार्य केन्द्रीय तथ्याङ्क विभागले साउनको अन्तिम हप्तादेखि सुरु गर्ने तयारी गरेको छ । साउनको अन्तिम हप्तादेखि तथ्याङ्क सङ्कलन सुरु गरेर असोजको पहिलो हप्तामा सक्ने गरी तयारी भएको हो ।

जनगणनाका लागि कार्यालय स्थापनाको काम सकेर सामग्री व्यवस्थापन अन्तर्गत प्रश्नावली, निर्देशिका, कापी, कलम, तालिम सामग्रीहरू जिल्ला र प्रदेशका कार्यालयमा पठाइसकिएको विभागले जनाएको छ । झण्डै ९ हजार सुपरिवेक्षकको छनोट गरिसकिएको विभागका उपमहानिर्देशक हेमराज रेग्मीले जानकारी दिनुभयो । उनीहरूमध्ये केहीले ६ दिने तालिम लिइसकेका र केहीले आधा तालिमकै क्रममा निषेधाज्ञाका कारण तालिम पूरा गर्न नपाएका सुपरिवेक्षकहरूलाई फेरि १/२ दिनको पुनर्ताजगी तालिम दिने र कार्यक्षेत्रमा खटाउने उहाँको भनाइ छ ।

आयोगले ४० हजार गणकको छनोट र नियुक्ति प्रक्रिया पनि अन्तिम चरणमा रहेको छ । केन्द्रीय तथ्याङ्क विभागले हरेक दश वर्षमा गर्ने राष्ट्रिय जनगणना १९६८ सालदेखि सञ्चालन गर्दै आएको छ ।

हराएका मतदाता फर्काउन मंसिरमा एक महिने अभियान चलाउँछौँः गगन थापा

केपी ओली भन्छन्, ‘पार्वतीले सराप दिएपछि देवता जन्मिन छाडे, अहिले नक्कली भगवान जन्मिएर हैरान छ’

सरकार लक्षित प्रचण्डको चेतावनीः इतिहासलाई बेवास्ता गरे देशमा फेरी नयाँ परिस्थिति