हेटौंडा । बागमती प्रदेशका मुख्यमन्त्री डोरमणी पौडेलले प्रदेश सरकारले विद्युतीय बस खरिद गर्नुभन्दा ३ महिनाअघि मात्रै चार्जिङ स्टेशन बनाउने र बसको रुटसमेत तय गर्ने जानकारी दिएका छन् ।

आज बागमती प्रदेश सभाको बैठकमा बोल्दै मुख्यमन्त्री पौडेलले पूर्वाधार निर्माण गरेर मात्र विद्युतीय बस खरिद गरेर संचालन गर्ने तयारी रहेको बताए । मुख्यमन्त्री पौडेले प्रदेश सरकारले ३० वटा विद्युतीय बस खरिद गरेर संचालन गर्न लागेको बताए । उनले भनेः हामीले खरिद गर्न लागेको ३० मध्ये २० वटा बस काठमाडौंमा चलाउनेछौं ।

बाँकी १० वटा बसहरु मात्रै हामीले उपत्यकाबाहिर चलाउँछौं । त्यसको लागि चार्जिङ स्टेशन बनाउन ठाउँ पहिचान भइसकेको छ । ‘विद्युतीय बस खरिद गर्नको लागि हामीले टेन्डर गरिसकेका छौं । कुन कम्पनीको बसको लागि टेन्डर पर्छ अहिले थाहा भइसकेको छैन ,मुख्यमन्त्री पौडेलले भने कुन कम्पनीको विद्युतीय बस आउने र त्यसको चार्जर कस्तो हुने भन्ने थाहा भएपछि हामी बस आइपुग्नुभन्दा ३ महिनाअघि नै चार्जिङ स्टेशन बनाउँछौं ।’

मुख्यमन्त्री पौडेलले भतपुर बसपार्क, हेटौंडा बसपार्क, काठमाडौं बसपार्क र धुलिखेलमा बसपार्कमा चार्जिङ स्टेशन राख्ने तयारी गरिएको बताए । उनले भनेः चार्जिङ स्टेशन पनि दुइखालका हुन्छन् । एउटा ढिलो चार्ज हुने र एउटा छिटो जार्च हुनेवाला, ढिलो चार्ज हुनेवाला काठमाडौंमा राख्छौं, जो रातभर बस चार्ज गर्न पाइयोस् । छिटो चार्ज हुनेवाला चार्जिङ स्टेशन अन्य ठाउँमा राख्छौं ।’

विद्यतुीय बस संचालनसँगै हेटौंडा-काठमाडौंको बीचमा २ ठाउँमा ठूलो स्टेशन बनाउने र रिफ्रेस सेन्टर संचालन गरिने पौडेलले बताए । रिफ्रेस सेन्टरको लागि सरकारले जग्गा मात्रै उपलब्ध गराउने र उक्त ठाउँमा निजी क्षेत्रले लगानी गर्ने मुख्यमन्त्री पौडेलको भनाई छ ।

हेटौँडामा ४२ किलो गाँजासहित दुई भारतीय नागरिक पक्राउ

बागमती प्रदेशले संघिय सरकारसँग पुनर्निर्माणका लागि एक अर्ब अनुदान माग्ने

कारले स्कटिङ् गर्दै ल्याएको एक सय ६२ किलो गाँजासहित दुई जना पक्राउ