पार्टीका केन्द्रीय सदस्य रमेश लेखक संयोजकत्वको छानबिन समितिले साउन १२ गते पार्टी सभापति शेरबहादुर देउवालाई छानबिन समितिको अन्तिम प्रतिवेदन बुझाएको थियो । छानबिन समितिले धनुषा, सर्लाही, बारा र सप्तरी गरी चारवटा जिल्लामा नयाँ क्रियाशील सदस्यताको विवाद समाधान गर्न सकेन । पार्टी समायोजनका क्रममा वितरण गरिएको क्रियाशील सदस्यताका कारण सिन्धुपाल्चोक र रसुवा जिल्लाको विवादमा पनि छानबिन समिति निचोडमा पुग्न सकेको थिएन । यी सबै विवाद शीर्ष नेतृत्वले नै समाधान गर्ने गरी छानबिन समितिले प्रतिवेदन बुझाएको थियो । मुख्य सचिव पौडेलले अब क्रियाशील सदस्यताको सबै खाले विवाद समाधान गरी पार्टी महाधिवेशनमा जुट्ने बताए ।

पार्टीले क्रियाशील सदस्यताको विवाद निचोडमा पु-याउन नसक्दा साउन १२ का लागि तोकिएको वडास्तरीय र साउन १६ को पालिकास्तरको अधिवेशन स्थगित गर्ने निर्णय काँग्रेसले यसअघि नै गरिसकेको छ । यो समाचार आजको गोरखापत्र दैनिकमा छ ।