हेटौंडा । स्थानीय तह निर्वाचको मिति सरकारले घोषणा गरेसँगै जिल्ला निर्वाचन कार्यलयले आफ्नो तयारीलाई तीब्रता दिएको छ । निर्वाचन कार्यालयले अहिले जिल्लाको मतदाता नामावलीमा रहेकामध्येबाट मतदान गर्न योग्यको संख्या निकाल्न थालेको छ । मतदाता नामावलीमा १६ वर्षमाथिकाले आफ्नो नाम दर्ता गराउन पाउने प्रावधान रहेको छ ।
तर, १८ वर्षमाथिकाले मात्र मतदान गर्ने पाउने प्रावधान रहेको छ । सोही अनुसार मतदान केन्द्र अनुसार नामावली छुट्याउने कार्य अहिले निर्वाचन कार्यलयले गरिरहेको छ । मकवानपुर जिल्लामा निर्वाचनको मिति घोषणा भएको दिनदेखि मतदाता नामावली संकलन कार्य रोकिएको छ । उक्त दिनसम्ममा २ लाख ९८ हजार ६ सय ८९ जनाले मतदाता नामावलीमा आफ्नो समावेश गराएको कार्यालयले जनाएको छ ।
कार्यालयका अनुसार नामावलीमा नाम लेखाएकामध्ये करिब १४ सय दोहोरो दर्ता भएको छ । ‘हामीले १८ वर्षदेखि माथिका मतदान योग्यहरुको नामावली तयार पार्ने काम गरिरहेका छौं । अब निर्वाचन आयोगलाई हामीसँग भएको नामावली पठाउने छौं । आयोगको सफ्टवेयरले मतदान गर्न योग्यको मात्र नाम प्रकाशन गर्नेछ ।’,
कार्यालयकी सूचना अधिकृत सम्झना ढकालले जानकारी दिइन् । उनका अनुसार अहिले बसाईं सरेर आएकाहरुको नामावली सार्ने काम समेत कार्यालय गरिरहेको छ । करिब ९ हजार मानिस बसाईं सरेर मकवानपुर भित्रिएको र उनीहरुले आफ्नो नामावली यहाँ सारेको प्रारम्भिक अनुमान कार्यालयले गरेको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.