हेटौंडा । मकवानपुर प्रहरीले सुन र चाँदीको गरगहनासहित एक जनालाई पक्राउ गरेको छ । पक्राउ पर्नेमा भारत बिहारको सितामडी थाना परिहार पोष्ट अन्धौली ३ बिसनपुर बस्ने २२ वर्षीय सोलार साह भन्ने राजा साह रहेको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले जानकारी दिए ।
साहलाई बिहिबार ईलाका प्रहरी कार्यालय पशुपतिनगर मकवानपुरबाट खटिएको प्रहरी टोलीले भन्सार छली चोरी पैठारी गरी ल्याएको २ लाख ५ हजार २६० रुपौयाँको सुन र ४ लाख ४० हजार ८६२ रुपैयाँ चाँदीको विभिन्न गरगहनासहित पक्राउ गरेको प्रहरी नायव उपरीक्षक रिमालले बताए ।
उनका अनुसार, बिहिबार दिउँसो पथलैयाबाट हेटौंडातर्फ आउँदै गरेको प्रदेश २–०३–०२० प ८२४५ नम्वरको मोटरसाईकललाई हेटौंडा उपमहानगरपालिका वडा नम्वर १५ राटोमाटे चेकपोष्टमा रोकी चेकजाँच गर्ने क्रममा प्रहरीले साहको साथबाट तिलहरी, झुम्का, फुली, बाला, पाउँजु, सिक्री, ब्रासलेट, औठी, गणेश लक्ष्मीको मूर्ती, पाउजु लगायत गरी सुन २४ ग्रा. ०६२ मिलीग्राम र २ किलो १८ ग्राम चाँदी बरामद गरेको गरेपछि निजलाई पक्राउ गरेको हो ।
पक्राउ परेका साहलाई थप अनुसन्धानको लागि राजश्व अनुसन्धान कार्यालय पथलैया पठाईएको जनाइएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.